« Мутаффифун » сүрөсүндө (83-Сүрө – «Таразадан кымтып калуучулар») Бейиште Аллахка жакын болгондорго өмүр берүүчү булак берилет деп айтылат.
21 Алар үчүн Аллахка жакын (периштелер) күбөлүк беришет. 22 Акыйкатта такыбалар Бейиште болот. 23 Бийк орундуктарда көз салып турушат.
Мутаффифун сүрөөсү 83:21-23
25 Аларга мөөр басылган суусундук берилет. 28 Аллахка жакындар гана мөлтүр булактан ичишет.
Мутаффифун 83: 25.28
«Инсан » (Сүрөсү, 76 – «Адам») да бейишке киргендердин баарына бериле турган бейиш булагы жөнүндө баяндайт.
Жакшылар болсо чөйчөктөрдөн жыпар жыттуу «каафуур» аттуу суусундуктарды ичишет.Аллахтын пенделери ал булакты каалаган жерден чыгарып алышып ичишет.
Инсан Сүрөсү 76:5-6
Аралашмасы «занжабил» аттуу суусундукту чөйчөктөрдөн (ичишет). Жана ошол жерде агып турган «Салсабил» аттуу булактан суу ичишет
.Инсан Сүрөсү, 76: 17-18
Бирок, биз бүгүн биз сезген чаңкоо менен эмне кылабыз? Күнөөкөр же уят болгону үчүн Аллага жакын болбогондор эмне кылышы керек? Ыйса Машайак (алейхи салам) муну бизге бүт коом тарабынан четке кагылган самариялык аял менен болгон окуя аркылуу ачып берет.
Ыйса Машайак (алейхи саламдын) душмандарга кандай мамиле кылуу керектиги тууралуу окутуусу бар. Бизди курчап турган дүйнө – тынымсыз кастыктын дүйнөсү; биз аны тозоктун бир түрүнө айландырдык. Ыйса Машайак (алейхи салам) жөнүндөгү кийинки мисалдан, адам душмандарына жасаган мамилесине жараша бейишке кире турганы же кирбей турганын билебиз!
Бирок үйрөтүү башка, ал эми окутууңа ылайык иш кылуу башка нерсе. Көптөгөн имамдар, шариат мугалимдери бир нерсени үйрөтүп, башканы кылышат. Ыйса Машайак (алейхи саламдын) жашоосунан бир эпизодду карап көрөлү. Бир жолу ал жолдон самариялык аялга жолугуп калат (ал убакта самариялыктар жүйүттөрдүн анттуу душманы болгон). Бул Инжилде мындайча баяндалат:
Ыйса самариялык аял менен сүйлөшүп жатат
1 Ыйса «Ал Жаканга караганда көбүрөөк шакирт күтүп, элди сууга чөмүлдүрүп жатат» деген сөз фарисейлерге жеткенин билгенде, 2 (чынында, Ыйсанын Өзү эмес, шакирттери чөмүлдүрүп жатышкан эле),3 Жүйүт аймагынан кайра Галилеяга жөнөдү. 4 Ыйса Самария аймагы аркылуу өтүүгө тийиш эле. 5 Ошондуктан Ал Самариянын Шекем шаарына келди. Ал шаар Жакып өзүнүн уулу Жусупка мурас кылып калтырган жерге жакын жайгашкан эле. 6 Ошол жерде «Жакыптын кудугу» деп аталган кудук бар болчу. Жол жүрүп чарчаган Ыйса кудуктун жанына отура кетти. Алтынчы саат чамасы эле.7 Ошол маалда самариялык бир аял кудуктан суу алганы келди. Ыйса андан ичкенге суу сурады. 8 Шакирттери тамак сатып алуу үчүн, шаарга кетишкен эле. 9 Самариялык аял Ага: «Өзүң жүйүт болуп туруп, менден, самариялык аялдан, суу сурайсыңбы?» – деди. Себеби жүйүттөр самариялыктар менен мамилелешчү эмес. 10 Ыйса аялга: «Эгерде Кудайдын белеги эмне экендигин жана сенден суу сураган Ким экендигин билсең, сен Андан өзүң сурар элең, ошондо Ал сага тирүү суу бермек», – деп жооп берди. 1 Аял Ага: «Мырза, суу сузуп алгыдай эч нерсең жок экен, кудук болсо терең, Сенде тирүү суу кайдан болсун? 2 Сен, эмне, бизге ушул кудукту калтырган атабыз Жакыптан да чоңсуңбу? Ал өзү да, балдары да, малы да ушул кудуктан суу ичишкен», – деди.13 Ыйса аялга мындай деп жооп берди: «Бул суудан ичкен адам кайра эле суусайт. 14 Ал эми Мен берген суудан ичкен адам түбөлүк суусабайт. Мен бере турган суу анын ичинде түбөлүк өмүргө агып баруучу булакка айланат». 15 Ошондо аял Ага: «Мырза, суусабашым үчүн, бул жерге сууга келбешим үчүн, мага ошол суудан берчи!» – деди.16 «Барып, күйөөңдү бул жерге чакырып кел», – деди Ыйса. 17 «Менин күйөөм жок», – деп жооп берди аял. Ошондо Ыйса ага: «“Күйөөм жок”, – деп, чындыкты айттың. 18 Сен беш жолу күйөөгө чыккансың, бирок азыркысы күйөөң эмес. Муну сен туура айттың», – деди. 19 Аял Ага: «Мырза, Сенин пайгамбар экениңди билдим. 20 Биздин ата-бабаларыбыз мына бул тоодо Кудайга табынышчу экен, силер болсо Кудайга табынуучу жай Иерусалимде болуш керек дейсиңер», – деди.21 Ыйса ага мындай деди: «Мага ишен, бул тоонун үстүндө да, Иерусалимде да Атага табынбай турган убак келет. 22 Силер эмнеге табынып жүргөнүңөрдү билбейсиңер, биз болсо билебиз. Анткени куткарылуу жүйүттөрдөн келет 23 Чыныгы табынуучулар Атага рух менен, чындык боюнча табына турган убакыт келет, ал тургай, келип да калды. Анткени Ата да Өзүнө ошондой табынуучуларды издейт. 24 Кудай – Рух. Ага табынуучулар да рух менен, чындык боюнча табынуулары керек». 25 Аял Ыйсага: «Машайак келерин билем. Ал келгенде, бизге баарын айтып берет», – деди.26 Ошондо Ыйса ага: «Сен дал ошонун Өзү менен сүйлөшүп турасың», – деди. 27 Ошол мезгилде шакирттери келип калышты. Алар Анын аял менен сүйлөшүп жатканын көрүп таң калышты. Бирок эч кимиси Андан: «Андан эмнени сурап жатасың?» же «Аны менен эмне жөнүндө сүйлөшүп жатасың?» – деп сураган жок. 28 Аял суу алган идишин таштап, шаарга барды да, элге: 29 «Жүргүлө, кылганымдын баарын айтып берген Адамды көргүлө! Ал Машайак эмеспи?» – деп айта баштады. 30 Ошондо алар шаардан чыгып, Ыйсаны көздөй жөнөштү. 31 Ошол арада шакирттери Ыйсадан: «Устат, тамактанып ал», – деп өтүнүштү. 32 Бирок Ыйса аларга: «Менде силер билбеген тамак бар», – деди. 33 Шакирттери бири-бирине: «Ага бирөө тамак алып келип бергенби?» – дешти. ндай деди: «Менин тамагым – Мени жиберген Кудайдын каалоосун аткаруу жана Анын ишин бүтүрүү. 35 Силер: “Төрт айдан кийин орок маалы башталат”, – дейсиңер. Бирок Мен силерге айтып коёюн: талаага көз чаптырып, эгинди карагылачы, ал орууга даяр болуп бышып калды. 36 Орокчу азыртадан эле эмгек акысын алып, түбөлүк өмүр үчүн түшүм жыйнап жатат. Ошентип, себүүчү да, орокчу да кубанат. 37 Анткени ушул учурга “Бирөө себет, бирөө орот” деген сөз туура келет. 38 Мен силерди өзүңөр эмгектенбегенди орушуңар үчүн жибергем. Башкалар эмгектеништи, силер болсо түшүмүн жыйнап жатасыңар». 39 Ошол шаардагы самариялыктардын көпчүлүгү: «Ал мага кылганымдын баарын айтып берди», – деп күбөлөндүргөн аялдын сөзү аркылуу Ыйсага ишенип калышты. 40 Ошондуктан алар Ага келип, Андан өздөрү менен калуусун өтүнүштү. Ыйса ал жерде эки күн болду. 41 Анын сөзүн угуп, Ага дагы көп киши ишенип калды. 42 Алар аялга: «Биз эми Ага сенин сөзүң боюнча эле ишенип жаткан жокпуз. Анткени Анын сөзүн өзүбүз да угуп, Анын, чын эле, дүйнөнүн Куткаруучусу, Машайак экенин билдик»,
дешти.” Жакан. 4:1-42
Самариялык аял Ыйса Машайак (алейхи саламдын) аны менен элдин алдында ачык сүйлөшкөнүнө абдан таң калган – ошол күндөрү жөөттөр менен самариялыктардын ортосунда кастык болгон. Пайгамбар сөздү андан суу алып берүүнү сурануу менен баштады. Текстте анын абдан суусаганы айтылат. Бирок пайгамбар катары ал самариялык аялдын да суусаганын билчү, бирок башка жол менен. Аны кубанычка суусап, канааттанган жашоо кыйнады. Ал бош жүрөгүн эркектер менен арам мамилеге толтура алам деп ойлоду. Анын бир нече күйөөсү бар эле, ал пайгамбар менен сүйлөшкөн маалда күйөөсү болбогон бир киши менен жашап жаткан мезгил болчу. Коомдун алдында ал адепсиз аял болгон. Түштөн кийин ысыкта кудуктун жанында жалгыз калганы ошондуктандыр – айылдын башка аялдары анын таңкы салкын убакта суу алып келгени барышын каалашкан жок. Ал бир нече жолу күйөөгө чыккан аял болчу, ал эми коом жашоосу абийирсиз болгон адамды четке каккан.
Забурда адамдын ар бир күнөөсү кандырбаган жүрөктүн чаңкоосунан болот деп окуйбуз. Бул каалоо күчтүү жана аны канааттандыруу керек. Бүгүнкү дүйнөдө көп адамдар мындай чыдагыс чаңкап; адамды күнөөгө түртүп жатат. Бул бардык коомдордо жана бардык диндерде болот.
Бирок Ыйса Машайак (алейхи салам) бул аялды четке какпайт. Ал аны чындап чаңкоосун кандыруучу тирүү суунун булагынан ичүүгө чакырат. Кеп физикалык суу жөнүндө эмес (канчалык ичсең да суусаган сайын кайра келет), адамдын жүрөгүндөгү өзгөрүү, адамдын ичинен келген өзгөрүү. Забур пайгамбарлары жаңы келишимдин келишин алдын ала айтышкан. Бул келишим менен Ыйса Машайак (алейхи салам) бизге жүрөгүн өзгөртүү белегин тартуулагандай көрүндү. Бул – түбөлүк өмүргө аккан тирүү суу.
Ишеним бул чындыкты ачык айтуу
Тирүү суу белеги бул аял үчүн чыныгы революция болду. Ыйса күйөөсүн алып келүүсүн суранып, аны күнөөсүн мойнуна алууга үндөгөн. Ал ага баш ийди. Эреже катары, адам өзүнө чынчылдык менен кароодон кандай гана болбосун качат! Күнөөбүздү эч ким көрбөсүн деп, жашырганды туура көрөбүз. Же аны актоо жолдорун табабыз. Адам ата менен Обо эне Эйден багында дал ушундай кылышкан жана бүгүнкү күндө ар бирибиз ошондой кылабыз. Бирок биз түбөлүк өмүргө алып баруучу Кудайдын ырайымына ээ болууну кааласак, анда күнөөлөрүбүздү чынчылдык менен мойнубузга алышыбыз керек, анткени Инжилде бизге:
“Эгерде күнөөлөрүбүздү мойнубузга алып ачык айтсак, ишенимдүү жана адилеттүү Кудай күнөөлөрүбүздү кечирет жана бизди бардык адилетсиздиктен тазалайт.”
1 Жакан 1:9
Ошондуктан Ыйса Машайак (алейхи салам) самариялык аялга мындай деген :
«Кудай — рух, ага табынуучулар рух жана чындык боюнча табынуулары керек…».
«Чындык» дегенде өзүнө чынчылдык менен кароо, күнөөсүн жашыруудан же аны актоодон баш тартуу мааниде айтылган. Кандай сонун кабар – Аллах Өзүнө чындап ибадат кыла турган кулдарды издеп жатат. Мындай абийири таза эместерге жүз бурбайт.
Бирок аял үчүн күнөөсүн моюнга алуу кыйын болгон. Көбүнчө уялганыбызда маекти башка темага бурабыз – жеке догмалардан диний догмаларга өтөбүз. Азыркы дүйнө диний талаш-тартыштарга жык толгон. Ошол алыскы мезгилде самариялыктар менен жүйүттөрдүн ортосунда сыйынуучу жай тууралуу катуу талаш-тартыш болгон. Жүйүттөр сыйынууну Иерусалимде кылыш керек десе, самариялыктар сыйынуу Геризим тоосунда гана мүмкүн экенин айтышкан . Аял пайгамбардын көңүлүн өзүнүн күнөөсүнөн алагды кылгысы келип, сүйлөшүүнү диний каналга айлантты. Диндин экранынын артында чындыктан жашыруу абдан оңой.
Бул ар бирибиз үчүн кандай жөнөкөй жана табигый нерсе, айрыкча, биз динчил болгон мезгилде. Динчил адамга башкаларды жаман же жакшы деп соттош абдан оңой. Бирок ошол эле учурда ал өзүнүн күнөөсүн көрбөйт.
Ыйса Машайак (алейхи салам) бул талашка кирген эмес. Табынуудагы эң негизгиси жер эмес, адамдын өзүнө жана Аллага болгон чынчылдыгы деп жооп берди. Ал Аллахка каалаган жерден келе алат (анткени Ал Рух), бирок бир гана чындык менен. Ал эми чынчылдык менен мойнуна алгандан кийин, ал белек катары тирүү суу алат.
Бул аял бурулуш кыла турган учурга жетти. Ал диний талаш-тартыштын көшөгөсүнө жашынып кете бериши мүмкүн эле, же бурулуп кетип калышы мүмкүн болчу. Бирок ал күнөөсүн мойнуна алууну чечти. Анын мойнуна алганы сөз менен эле эмес, иш жүзүндө да болгон – ал өз айылына барып, пайгамбардын өзү жөнүндө айтканын, кылган иштерин бүт элге айтып берген. Эң негизгиси, ал жашынууну токтотту. Ал ыймандуу болуп калды. Ыйсага жолукканга чейин ал биздей эле динчил болчу. Мына эми ал ыймандуу болуп, көптөгөн уруулаштарын ыйманга тартты.
Ыймандуу болуу үчүн туура таалимди акыл менен кабыл алуу жетиштүү эмес, бирок бул да маанилүү. Биз Аллахтын ырайымдуу убадасынын чындыгына чын жүрөктөн ишенип, мындан ары күнөөлөрүбүздү жашырууга муктаж эмес экенибизди билишибиз керек. Ыбрайым пайгамбар (алейхи саламдын) көп жылдар мурун убадага ишенүү менен адилдикке жеткени дал ушундай болгон.
Күнөөңдү жашырасызбы? Өзүңдү актап жатасызбы? Балким, сиз аны такыба диний ырым-жырымдардын же ишенимге байланыштуу талаш-тартыштардын артына жашырып жаткандырсыз? Же күнөөңүздү мойнуңузга аласызбы? Эмне үчүн азыртан эле Аллага келип, уятка, күнөөгө түрткөн күнөөлөрдү Жаратканга мойнуна албайсың? Муну кылгандан кийин, силер кубанасыңар, анткени Теңир дал ушундай табынуучуларды издеп жатат жана силерди бардык адилетсиздиктен тазалайт.
Ыйса жана самариялык аялдын сүйлөшүүсүнөн көрүнүп тургандай, Ыйса (алейхи салам) Машайак (= Христос = Машайак ) экенин таануу ал үчүн абдан маанилүү болгон. Ыйса Өз айылында эки күн болду жана Анын окутуусун укканда, алар чындап эле дүйнөнүн Куткаруучусу экенине ынанышты. Балким, биз мунун эмнени билдирерин толук түшүнбөй жаткандырбыз. Бирок Жакандын пайгамбарчылыктары адамдардын жүрөгүн Кудайдын эркин түшүнүүгө даярдагандай эле, күнөөлөрдү моюнга алуу да бизди Анын чексиз ырайымына ээ болууга даярдайт. Бул биздин түз жолубуздун үчүнчү кадамы.
– Кудай, мендей күнөөкөргө ырайым кыл.