Кадыр Сүрөсү (97-Кадыр) Куран түшүрүлгөн Кадыр түндү сүрөттөйт:
1 Акыйкатта, Биз аны ыйык түндө түшүрдүк. 2 Кадыр түндүн эмне экенин билесиңби? 3 Кадыр түн миң айдан да артыгыраак. 4 (Ал түндө) Аллахтын буйругун аткаруу үчүн периштелер жана Рух жер үстүнө түшүшөт. 5 Ал таң атканча тынчтык – амандык.
Кадр Сүрөсү, 97:1-5
Кадыр Сүрөсү «Кадыр түн миң айдан да жакшыраак» деп айтылганы менен, ал кандай түн болду экен? Кадыр түндүн мааниси боюнча «миң айдан» ашкан Алланын руху эмне кылды?
Лайл Сүрөсү (92-Түн) да ушундай эле темада Күн менен жарыктын түндүн артынан кантип келерин сүрөттөйт. Күн башынан аягына чейин баарын билүүчү Аллахтын жетекчилиги астында улуулук менен келет. Ал бизге келе жаткан отту эскертет:
Каптап келген караңгы түнгө ант! Жана жаркыраган күндүзгө ант!
Лайл Сүрөсү, 92:1-2
Туура жолго багыттоо Бизге гана таандык. Анткени Акырет жашоосу да, бул дүйнө жашоосу да Бизге гана тиешелүү. Мына Мен силерди алоолонгон тозок (оту) менен коркутуп – эскертемин.
Лайл Сүрөсү, 92:12-14
Кадыр жана Лайл сүрөсүн төмөнкү саптар менен салыштырыңыз:
“Андан сырткары, бизде эң туура айтылган пайгамбарчылык бар. Таң агарып, таңкы жылдыз жүрөгүңөрдө чыкканга чейин, караңгыда жарык чачкан чырактай болгон ушул пайгамбарчылыктарга кайрылып, туура кылып жатасыңар.”
2 Петир 1:19
Окшоштукту байкадыңызбы? 97 жана 92-сүрөлөрдү окуп жатып ушул аят эсиме келди. Ошондой эле күндүн жана жарыктын салтанатын ырастайт. Караңгы түндө пайгамбарларга вахий түшүрүлүп, сүрөлөр пайгамбарлардын сөзүнө жеңил карабоого чакырат, антпесе катуу жаза сөзсүз болот.
Ыйса Машайак (алайхис салам) пайгамбардын эң берилген шакирттеринин жана сахабаларынын бири болгон Элчи Петирге таандык .Сафф Сүрөсү (61-катар) Машайактын шакирттери жөнүндө мындай дейт :
Эй момундар! Аллахтын динине жардамчы болгула. Марйам уулу Иса өз сахабаларына (шакирттерине) айткандай: “Аллахтын ишинде мага ким жардамчы болот?” Шакирттери: “Аллахка биз жардамчы болобуз”, – дешти. Ошондо Исраил уулдарынын бир тобу ишеништи да, экинчи бир тобу танышты. Ошондо Биз ишенген ыймандууларды кубаттуу кылдык, анан алар душмандарынын үстүнөн жеңишке жетишти.
Сафф Сүрөсү, 61:14
Сафф сүрөөсү Ыйса пайгамбардын шакирттерин «Аллахтын жардамчылары» деп атайт. Ким пайгамбарлардын кабарына ишенсе, ал сүрөттөгөн күчкө ээ болот. Негизги элчилердин бири болгондуктан, Петир «Аллахтын жардамчыларынын» башында турган. Ал Ыйса пайгамбардын кереметтерине күбө болгон, анын окууларына жана табият күчтөрүн айыктыруудагы жана башкаруудагы күчтүн көрүнүшүнө катышкан. Ошол эле учурда пайгамбарлардын сөздөрү «биз үчүн мындан да ишенимдүү болот» дейт. Эмне үчүн ал өзү күбө болгон нерселерге караганда пайгамбарлардын сөздөрүнө көбүрөөк маани берет? Петир улантат:
“Баарынан мурда Ыйык Жазуудагы бир да пайгамбарчылыкты эч ким өзүнөн өзү айтпагандыгын билишиңер керек. Себеби пайгамбарчылык эч качан адамдын каалоосу менен айтылган эмес. Аны Кудайдын ыйык адамдары Ыйык Рухтун жетеги менен айтышкан.”
2 Петир 1:20-21
Демек, пайгамбарларга Ыйык Рух түрткү болгон, ошондуктан алар жазгандардын баары «Кудайдан» болгон. Мына ошондуктан бир Кадыр түн «миң айдан» жакшыраак, анткени ал Аллахтын Рухуна оролгон. Сафф Сүрөсү , Петирдин сөздөрүнө көңүл бургандар ушул түнү түшүрүлгөн күчтү алышат деп айтылат.
Петир Машайактын убагында жашаган жана ал айткан «пайгамбарлар» Байыркы Келишимдин – Инжилге чейинки Ыйык Китептердин пайгамбарлары . Муса пайгамбардын Тавратында Адам , Кабыл жана Абыл , Нух , Лот , Ыбрайымдын окуялары камтылган . Ошондой эле Мусанын Мисир фараону менен тирешүүсү , Мусанын шарият мыйзамына ээ болушу , ошондой эле Бакара сүрөсүнө ысым берген бир тууганы Арундун курмандыктары баяндалат .
Тоораттын ордуна Забур келет, анда илхом келген Дөөт падыша келе жаткан Машайак жөнүндө жазат . Кийинки пайгамбарлардын алдын ала айткандары Бүбү кыздан төрөлгөн, ар бир адам үчүн жеткиликтүү болгон Аллахтын Падышалыгы , ошондой эле өзгөчө азап чеккен Кулга тиешелүү. Андан тышкары, Машайактын ысымы , анын келе турган убактысы жана Ага жол даярдап жаткан пайгамбардын убадасы алдын ала айтылган .
Буга чейин көбүбүздүн бул аятты окууга мүмкүнчүлүк болгон эмес. Сиз азыр жогорудагы шилтемелер аркылуу муну кыла аласыз. Лайл Сүрөсү бизди келе жаткан от жөнүндө эскертет; Кадыр сүрөсүндө Аллахтын Рухунун Кадыр түндү жаратканы айтылат. Сафф Сүрөсү шакирттердин кабарына ишенгендерге кудурет убадасын камтыйт. Элчи Петир дагы ошол түнү, кыямат күнүн күтүү менен, алгачкы пайгамбарлардын аяндарына «маани берүү» кеңешин берет. Алардын кабарларын билүү акылмандык эмеспи?